Il «Fränzlisound»
Ils Fränzlis oriunds sunaivan culs solits instrumaints per musica da bal dal 19avel tschientiner, sco chi d’eira üsit in tuot il territori da las Alps, sainza l’orgel da man. I’s sunaiva in fuormaziuns masdadas cun strichaders e cun instrumaints da flà da tola o da lain. O, dit cun oters pleds: I’s sunaiva e’s cumbinaiva cun quels instrumaints chi d’eiran güst a disposiziun. Co cha quai tunaiva propcha nu sa ingün. I nun exista gnanc’ün unica registraziun dals Fränzlis da quella jada. Uschè han ils «Fränzlis nouvs» la libertà da tscherchar e preschantar lur aigna interpretaziun dal «Fränzlisound». Il sound dals Fränzlis da Tschlin s’ha müdà dürant ils ons, mo s’ha eir stabili ed es restà istess, malgrà las schlovadas persunalas ed instrumentalas, il tipic «Fränzlisound». Bun divertimaint pro ün pêr muosterins our dals trent’ons Fränzlis da Tschlin: